Воскресенье, 24.09.2017
МБОУ "Эжанская СОШ"

Меню сайта
Статистика

Онлайн всего: 1
Гостей: 1
Пользователей: 0
Главная » 2017 » Апрель » 7 » Уол оҕо-норуот тирэҕэ.
07:01
Уол оҕо-норуот тирэҕэ.

Уол оҕо-норуот тирэҕэ.

 

          Быйылгыттан уол күнэ баар буолара олус үөрүүлээх. Саха былыр-былыргыттан уол оҕону, эр киһини наһаа үрдүктүк тутара. Оннооҕор «уол төрөөтөҕүнэ,  хара тыаҕа суор үөрэр» диэн уос номоҕо баар. Кырдьык даҕаны, уол оҕо барахсан санаатын эрэ уурдаҕына, тугу барытын кыайарын өбүгэлэрбит сөпкө да өйдүүллэрэ. Кэлиҥҥи кэмҥэ норуоппут итэҕэлгэ сүгүрүйэр буолан, үтүө үгэстэрбитин тутуһарбыт олоххо көстөр буолла.

         Уол оҕо иитиитэ бу уустук кэмҥэ кырдьык да ыарахаттардаах диэххэ сөп, урукку курдук оҕону оннооҕор тыа сиригэр үлэнэн ииппэт, булдунан дьарыктаабат буоллубут. Хата спордунан дьарыктаналлар да, онно да уол барыта хабыллар буолбатах. Ол инниттэн уол оҕону уопсастыбаҕа дьоһуннаахтык тутта-хапта, саҥара-иҥэрэ сылдьар үөрүйэхтэригэр уһуйабыт. Ол сыалтан биһиги оскуолабыт уолаттара «Көтүөххэ үрдүккэ хотойдуу» диэн бөлөҕүнэн ааҕыы  бырайыагар кыттыһан, сэттис сылбытын уолан ааҕыыларыгар кыттан кэллибит.

     Быйыл улуу суруйааччыбыт П.Ойуунускай музейыгар үөһэ-аллара этээһинэн толору, үс сүүсчэкэ уол бөлөҕүнэн  хоһоон ааҕан доргуталлара истиэххэ үчүгэйэ сүрдээх. Бөлөх аайы 7 оҕоттон итэҕэһэ суох оҕо кыттыахтаах. Уонча улуустан, куорат оскуолаларыттан барыта 45 бөлөх кытынна диэтилэр. Ол курдук, ааттаах-суоллаах Нам улууһуттан саха-французскай, Уус Алдантан саха-бельгийскэй, Таатта Харбалааҕыттан А.Аччыгыйа аатынан оскуола, Чурапчыттан спорт оскуола, Чурапчы гимназиятын уолаттара инники күөҥҥэ таҕыстылар. Быйыл уопсастыбаннай хамсааһыннар күүстэринэн тэриллибит «Матери России», «Лиги отцов республики Саха(Я)» спонсордаатылар. Дьүүллүүр сүбэҕэ суруйааччылар , «Кэскил», «Юность Севера», эбии үөрэхтээһин, үөрэх миниистиристибэтин үлэһиттэрэ олордулар.

     Быйылгы ааҕыы саха норуодунай суруйааччылара: С.П.Данилов, П.Н.Тобуруокап, фронтовик-суруйааччы А.С.Бродников 100 саастарыгар ананна.  Ордук С.П.Данилов поэзиятыгар элбэх бөлөх этэ. Биһиги бөлөхпүт «С. Данилов-саҥа үйэ ырыаһыта» дьүһүйүүнэн кытынныбыт.

Бириистэрэ да үчүгэй, бүтүн сойуустааҕы «Орленок», республиканскай лааҕырдарга ол иһигэр Таатта улууһа «Мандар Уус кыһатыгар» лааҕырга 2-ис сезонугар анаабыт үс сертификата УусАлдан, Өймөкөөн, Уус Майа уолаттарыгар тигистэ. Онтон учууталлар ортолоругар бастын композиция сценарийыгар салайааччыбыт Ирина Макаровна  II-ис степеннээх дипломант буолла.

     Быйыл биһиги бөлөхпүт эдэр састааптаах, ол да буоллар, сүрдээхтик астынан кэллибит, бастыҥ ааҕааччылары дуоһуйа иһиттибит.

     Онтон саха народнай суруйааччыта Күннүк Уурастыырап 110 сылыгар аналлаах ааҕыы Е.Ярославскай музейыгар икки күн устата буолан ааста. Биһиги оскуолабытыттан 5-ис кылаас үөрэнээччитэ Афанасьев Артем 154 үөрэнээччини кытта бэрт хомоҕойдук, туттан-хаптан туран, «Көтөр кынаттаахтар» поэматтан  ааҕан, музейы көрөн, астынан кэллэ. Бачча элбэх оҕоҕо үс эрэ миэстэ баар. Ол эрээри кыайыы бастакы сырыыттан кэлбэтин өйдөөтүбүт, эһиил өссө куоласпытын чочуйа түһэн баран кыттар санаалаахпыт.

     Дьэ. ити курдук Дьокуускай куоракка икки улахан музейынан сааскы каникулбутун бэрт туһалаахтык атааран, элбэҕи билэн-көрөн, истэн, өйбүтүн-санаабытын сааһылаан атаардыбыт. Маннык сынньалаҥы бэлэхтээбит төрөппүттэрбитигэр, салайааччыбытыгар Ирина Макаровнаҕа, оскуола директорыгар Мария Валентиновнаҕа, суоппарбытыгар Василий Лазаревичка махтанабыт.

 

 

Уолан бөлөҕө,  И.Винокурова.

Н.А.Атласов аатынан

Эдьээн орто оскуолата. 

                                                

Просмотров: 18 | Добавил: Эжан | Рейтинг: 0.0/0
Всего комментариев: 0
Имя *:
Email *:
Код *:
Форма входа
Поиск
Календарь
«  Апрель 2017  »
ПнВтСрЧтПтСбВс
     12
3456789
10111213141516
17181920212223
24252627282930
Архив записей
Друзья сайта
  • Официальный блог
  • Сообщество uCoz
  • FAQ по системе
  • Инструкции для uCoz
  • Copyright MyCorp © 2017
    Сделать бесплатный сайт с uCoz